༢༠༡༦ ཟླ་ ༦ ཚེས་ ༢༦ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཨ་རིའི་གྲོང་སྡེ་སྤྱི་ཁྱབ་པའི་ལྷན་ཚོགས་ཐོག་བཀའ་སློབ་སྩལ་བ།

༄༅། །ཕྱི་ལོ་ ༢༠༡༦ ཟླ་ ༦ ཚེས་ ༢༦ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཨ་རིའི་ཨིན་ཌ་ཡ་ན་མངའ་ སྡེ་གྲོང་ཁྱེར་ཨིན་ཌ་ཡ་ན་པོ་ལི་སི་ Indianapolis ནང་ཨ་རིའི་ཁུལ་གྱི་གྲོང་སྡེའི་སྤྱི་ཁྱབ་པའི་ལྷན་ཚོགས་ཐེངས་ ༨༤ ཐོག་ཆིབས་སྒྱུར་བསྐྱངས་ཏེ་བཀའ་སློབ་ལམ་སྟོན་སྩལ་ཡོད།

དེ་ཡང་གོང་ཚེས་ཉིན་གྱི་ལྷན་ཚོགས་ཐོག་༸གོང་ས་སྐྱབས་མགོན་ཆེན་པོ་མཆོག་དབུ་ བཞུགས་ཐོག་ཨ་རིའི་གཞས་མ་གྲགས་ཅན་ལེ་ཌི་གྷ་གྷ་ Lady Gaga ལགས་དང་། ཨ་རིའི་གནད་ཡོད་མི་སྣ་ཁག་གཅིག ཨ་རིའི་གྲོང་སྡེའི་སྤྱི་ཁྱབ་པ་ཉིས་བརྒྱ་ལྷག་ཙམ་གྱིས་མཉམ་ཞུགས་གནང་ཡོད་པ་ དང་། ལྷན་ཚོགས་དབུ་འཛུགས་མ་གནང་གོང་ཨ་རིའི་གཞས་མ་གྲགས་ཅན་ལེ་ཌི་གྷ་གྷ་ལགས་ཀྱིས་༸ གོང་ས་མཆོག་ལ་བཅར་འདྲི་ཁག་གཅིག་ཞུས་པ་དེ་དག་ངོ་དེབ་ཐོག་ཐད་ཀར་རྒྱང་སྲིང་གི་ ལས་རིམ་ཞིག་གནང་ཡོད་པ་དང་། སྐབས་དེར་ལེ་ཌི་གྷ་གྷ་ལགས་ཀྱིས་༸གོང་ས་མཆོག་ལ་དེང་སྐབས་ན་གཞོན་རྣམས་ལ་དཀའ་ ངལ་མང་པོ་ཞིག་འཕྲད་བཞིན་པའི་ཁྲོད་རང་ཉིད་སོ་སོར་གདེང་ཚོད་མེད་པར་སེམས་ཞུམ་ པ་དང་། རང་ཉིད་ཀྱི་ཚེ་སྲོག་ལ་རང་ཉིད་ཀྱིས་གནོད་འཚེ་བྱས་པ་དེ་དག་ཡོང་རྐྱེན་ཅི་ཡིན་ སྐོར་བཅར་འདྲི་ཞུས་པར་མགོན་པོ་གང་ཉིད་མཆོག་གིས་བཀའ་ལན་སྩལ་དོན། སྤྱིར་འགྲོ་བ་མིའི་རང་བཞིན་ནི་བྱམས་བརྩེའི་རང་བཞིན་ཞིག་ཡིན་ནའང་། དེང་དུས་ཀྱི་ཤེས་ཡོན་སློབ་གསོའི་ཁ་ཕྱོགས་གཙོ་བོ་ཕྱི་དངོས་པོའི་ཡར་རྒྱས་ཁོ་ ནར་དམིགས་པ་ཞིག་ཡིན་སྟབས། དུས་རྟག་ཏུ་དཀའ་ངལ་ཞིག་འཕྲད་དང་འཕྲད་བཞིན་ཡོད། གལ་སྲིད་རང་ཉིད་ཀྱི་སེམས་ཁམས་དེ་བཞིན་ཞི་བདེ་བག་ཕེབས་ཤིག་ཡོད་ན་དཀའ་ངལ་དེ་ འདྲ་འཕྲད་མི་སྲིད། ང་ཚོ་འགྲོ་བ་མི་རྣམས་ནི་སྤྱི་ཚོགས་སེམས་ཅན་ཞིག་ཡིན་པ་དང། ང་ཚོའི་མ་འོངས་པ་དེ་ཡང་འགྲོ་བ་མིའི་སྤྱི་ཚོགས་གཞན་རྣམས་ལ་བརྟེན་ནས་འཚོ་གནས་ བྱ་དགོས་སྟབས། ནང་སེམས་ཀྱི་རིན་ཐང་ཡོད་པའི་སྙིང་རྗེ་དང་བྱམས་བརྩེར་དོ་སྣང་མང་ཙམ་བྱ་དགོས། ཞེས་བཀའ་ལན་སྩལ།
དེ་རྗེས་དུས་རྒྱུན་༸གོང་ས་མཆོག་གིས་སྒོམ་ལ་དབྱེ་ན་གཉིས་སུ་ཕྱེས་པའི་དཔྱད་ སྒོམ་དང་འཇོག་སྒོམ་གཉིས་ལས་གང་ཞིག་འབྲས་བུ་བཟང་བ་ཡོད་སྐོར་བཅར་འདྲི་ཞུས་པར་ གང་ཉིད་མཆོག་གིས་གསུང་དོན། ངོས་རང་དུས་རྒྱུན་དཔྱད་སྒོམ་དེར་མོས་པ་ཆེ་བ་ཡོད་པ་མ་ཟད། དཔྱད་སྒོམ་དེ་ནུས་པ་ཆེ་བའང་འདུག དེ་ནས་འཚེ་བའི་འཛམ་གླིང་འདི་བཞིན་ཞི་བདེ་ལྡན་པ་ཞིག་གང་འདྲ་བྱས་ནས་བཟོ་ཐུབ་ བམ་ཞེས་བཅར་འདྲི་ཞུས་པར་གང་ཉིད་མཆོག་གིས་གསུང་དོན། ང་ཚོས་བསམ་བློ་རྒྱ་ཆེ་ས་ནས་བཏང་སྟེ་རེ་བ་བྱ་རྒྱུ་དེ་ཕན་ཐོགས་ཆེན་པོ་ཡོང་ ངེས། གང་ལྟར་རེ་བ་དང་གདེང་ཚོད་ནི་དགོས་ངེས་ཅན་ཞིག་ཆགས་ཡོད། ཅེས་བཅར་འདྲི་ཁག་ལ་བཀའ་ལན་སྩལ་གྲུབ་མཚམས་གསར་འགོད་པ་གྲགས་ཅན་ལྕམ་སྐུ་ཨེན་ཀ་ རི་ Ann Curry ལགས་ཀྱིས་༸གོང་ས་༸སྐྱབས་མགོན་ཆེན་པོ་མཆོག་ལྷན་ཚོགས་ཀྱི་སྡིངས་ཆའི་སྟེང་གདན་ ཞུས་ཀྱིས་༸ཞབས་སོར་འཁོད། དེ་ནས་ལྕམ་སྐུ་ཨེན་ཀ་རི་ལགས་ཀྱིས་༸གོང་ས་མཆོག་གི་མཛད་རྣམ་མདོར་བསྡུས་ཤིག་ སྙན་སྒྲོན་ཞུས་གྲུབ་མཚམས། ཨ་རིའི་ལའོ་སེ་ཝི་ལེ་ Louisville གྲོང་སྡེའི་སྤྱི་ཁྱབ་པ་སྐུ་ཞབས་གྷེ་རི་ཕི་ཤར་ Gary Fischer ལགས་དང་ཀེན་ཊུ་ཀེ་ Kentucky ལགས་རྣམས་གཉིས་ཀྱིས་མཉམ་རུབ་ཐོག་ལའོ་སེ་ཝི་ལེ་ Louisville གྲོང་སྡེ་ལ་བྱམས་བརྩེའི་གྲོང་ཁྱེར་ཞེས་མིང་བཏགས་པ་དང་།
དེ་བཞིན་ཨ་ན་ཧ་འིམ་དང་ཁེ་ལི་ཕོར་ནི་ཡའི་གྲོང་སྡེའི་སྤྱི་ཁྱབ་པ་ཊོམ་ཊེཊ་Tom Taitལགས་ཀྱིས་ཨ་ན་ཧ་འིམ་གྲོང་སྡེ་ལ་སྙིང་རྗེའི་གྲོང་ཁྱེར་ཞེས་བཏགས་པའི་ལས་ གཞི་དེ་དག་གི་སྐོར་བཟོ་སྐྲུན་གནང་བའི་བརྙན་ཐུང་ཞིག་༸གོང་ས་མཆོག་ལ་སྤྱན་ འབུལ་ཞུས་པ་དང་སྦྲགས་གང་ཉིད་མཆོག་ཐུགས་དགྱེས་ཚོར་ཆེན་པོས་གསན་གཟིགས་མཛད་ གྲུབ་མཚམས་བཀའ་སློབ་སྩལ་དོན། ངོས་རང་དེ་རིང་འདིར་མགྲོན་འབོད་གནང་བར་ཐུགས་རྗེ་ཆེ་ཞེས་ཞུ་རྒྱུ་ཡིན། ངོས་རང་དངོས་སུ་འདིར་བཅར་ཏེ་སྙན་གྲགས་ཆེ་བའི་རྒྱལ་ཁབ་འདིའི་གྲོང་སྡེའི་ སྤྱི་ཁྱབ་པ་མང་པོ་ཞིག་མཇལ་རྒྱུ་བྱུང་བར་ངོས་རང་ལ་ཧ་ཅང་གི་ཆེ་མཐོང་ཆེན་པོ་ ཞིག་ཐོབ་བྱུང་། ངོས་ནས་དུས་རྟག་ཏུ་ཨ་རི་རྒྱལ་ཁབ་འདི་བཞིན་འཛམ་གླིང་རྒྱལ་ཁབ་ཀུན་གྱི་རང་དབང་ སྣེ་ཁྲིད་ཀྱི་རྒྱལ་ཁབ་ཞིག་ཡིན་པར་ངོས་འཛིན་ཞུ་གི་ཡོད། རྒྱལ་ཁབ་འདི་བཞིན་འཕྲུལ་ཆས་གསར་གཏོད་ཅན་ཞིག་ཡིན་པ་མ་ཟད། རྒྱལ་ཁབ་འདིས་རང་དབང་དང་མང་གཙོ། གུ་ཡངས་དང་བྱམས་བརྩེ་བཅས་གལ་ཆེར་འཛིན་པའི་ཁྱད་ཆོས་བཟང་པོ་དེ་དག་ནི་བྱམས་ བརྩེ་དང་མི་གཞན་ལ་གུས་བརྩི། དེ་བཞིན་འགྲོ་བ་མི་ལ་ཕན་བདེ་བསྒྲུབ་རྒྱུའི་སེམས་ཁུར་བཅས་དང་ཧ་ཅང་གི་འབྲེལ་ བ་ཆེན་པོ་ཡོད་པ་ཞིག་ཡིན། དེ་དག་ནི་ཁ་ནས་འདོན་པའི་འབོད་ཚིག་ཙམ་མིན་པར་ནང་སེམས་ཀྱི་སྤྱོད་ཚུལ་དང་ཐད་ ཀར་འབྲེལ་བ་ཡོད་པ་ཞིག་ཡིན། དེར་བརྟེན་རྒྱལ་ཁབ་འདིས་མ་འོངས་པར་འཛམ་གླིང་འདི་བཞིན་ཞི་བདེ་ལྡན་པའི་འ ཛམ་གླིང་ཞིག་སྣེ་ཁྲིད་ཐུབ་རྒྱུར་ངོས་ནས་ཡིད་ཆེས་ཞུ་གི་ཡོད།
ང་ཚོ་སའི་གོ་ལ་སྔོན་པོ་འདིའི་སྟེང་གནམ་གཤིས་འགྱུར་ལྡོག་དང་། མི་འབོར་འཕེལ་རྒྱས། རང་འབྱུང་གཏེར་ཁ་ཁག་ཇེ་ཉུང་དུ་འགྲོ་བའི་ཁར་དཀའ་ངལ་གཞན་ཁག་གཅིག་འཕྲད་བཞིན་ ཡོད། དཀའ་ངལ་ཕལ་ཆེ་བ་ང་རང་ཚོ་མིས་བཟོས་པ་ཤ་སྟག་ཆགས་ཡོད། སྤྱིར་ང་ཚོ་སུ་ཞིག་དཀའ་ངལ་མི་འདོད་ཀྱང་གཞན་གྱི་ཆེད་དུ་སེམས་ཁུར་མེད་པར་རང་ ཉིད་གཅེས་འཛིན་གྱི་བློ་ཤུགས་ཆེ་དྲགས་པས་ཁྱོད་དང་ང་ཞེས་དབྱེ་བ་ཕྱེས་པའི་ རྙོག་གྲ་དེའི་རྐྱེན་བྱས་ཏེ་དཀའ་ངལ་མང་པོ་ཞིག་འཕྲད་ཀྱི་ཡོད།
འདས་པའི་དུས་རབས་ཉི་ཤུ་པ་དེ་བཞིན་འཚེ་བའི་དུས་རབས་ཤིག་གི་ཐོག་ནས་ཕྱིན་ཡོད། སྐབས་དེར་ལོ་རྒྱུས་ནང་མི་གྲངས་ས་ཡ་ཉིས་བརྒྱ་ཙམ་དྲག་པོའི་ལམ་ནས་བསད་པ་རེད། འཚེ་བའི་དུས་རབས་དེས་རྐྱེན་བྱས་ནས་ད་ལྟའི་དུས་རབས་འདིའི་ནང་ཁོང་ཁྲོ་དང་ཕྲག་ དོག་སོགས་དཀའ་ངལ་མང་པོ་ཞིག་འཕྲད་ཀྱི་ཡོད། ང་ཚོས་དེ་དག་ཞི་བྱེད་བྱམས་སྙིང་རྗེའི་རིན་ཐང་དེ་དག་སོ་སོའི་རྒྱུད་ལ་ འཇག་ཐབས་བྱ་དགོས། ཞེས་དང་། དེ་བཞིན་ང་ཚོ་འགྲོ་བ་མིའི་བྱམས་བརྩེའི་རིན་ཐང་ཐོག་མ་སོ་སོ་རང་ཉིད་ཀྱི་ཨ་མ་ ནས་འབྱུང་བ་ཞིག་ཡིན་པ། ཕྱིའི་གཟུགས་བྱད་ལས་ནང་གི་ཡོན་ཏན་གལ་ཆེ་བ་ཡིན་པ། སེམས་ཇི་ཙམ་གྱི་མི་སྐྱིད་པ་དེ་ཚོད་ཀྱིས་ལུས་པོའི་ཟུངས་བཅུད་ཉམས་པ་དེའི་ཐོག་ ནས་སེམས་ཀྱི་ཞི་བདེ་དང་ལུས་པོའི་འཕྲོད་བསྟེན་དབར་འབྲེལ་བ་ཤུགས་ཆེ་ཡོད་པ། འགྲོ་བ་མིའི་བཟང་པོའི་རིན་ཐང་གོང་སྤེལ་གཏོང་ཐབས་ཐོག་ནས་ཨ་རིའི་ནང་བྱམས་ བརྩེ་དང་སྙིང་རྗེའི་གྲོང་ཁྱེར་ཞེས་ལས་གཞི་དེ་འདྲ་ཞིག་བརྩམས་པ་དེར་བསྔགས་ བརྗོད་མཛད་པ་དང་སྦྲགས། གང་ཉིད་མཆོག་གིས་མ་འོངས་པར་ང་ཚོས་བྱམས་བརྩེ་དང་སྙིང་རྗེ་ཁ་ནས་བཤད་པ་ཙམ་མིན་ པར་ལག་ལེན་དངོས་སུ་བསྟར་ཆེད་ལས་གཞི་དེ་མུ་མཐུད་ནས་འཛམ་གླིང་རྒྱལ་ཁབ་གཞན་ ཚོས་ཀྱང་དམིགས་ལྟོས་བལྟ་ཡུལ་ཞིག་ཆགས་རྒྱུར་ཐུགས་རེ་ཆེན་པོ་ཡོད་སྐོར་སོགས་ ཀྱི་བཀའ་སློབ་སྩལ་རྗེས་གཞས་མ་གྲགས་ཅན་ལེ་ཊིས་གྷ་གྷ་ལགས་ཀྱིས་གང་ཉིད་མཆོག་ གིས་གསུངས་པའི་བྱམས་བརྩེ་དང་སྙིང་རྗེའི་བཀའ་སློབ་དེ་དག་ལ་རྗེས་སུ་ཡི་རང་ ཞུས་པ་དང་སྦྲགས་ལས་རིམ་མཇུག་སྒྲིལ་ཡོད་འདུག་པ་བཅས། །

དབུས་བོད་གཞུང་དྲ་རྒྱ་ལས་འདྲེན་བཀོད་བྱས།

 

ཁྱེད་ནི་བོད་མི་རིགས་ཀྱི་ངོ་བོ་དང་མཚོན་བྱེད་ཡིན།

༄༅།།
འཕགས་པ་མ་ཕམ་ཡང་དག་དམ་པ་ཁྱེད།།
འཇིགས་རྟེན་ཁྱོན་ན་བ་དན་བཞིན་དུ་བསྐྱོད།།
སྙིང་རྗེ་འོ་མཚོ་ཕྱོགས་སུ་གཏམས་པ་ཡིས།།
རྐང་གཉིས་འགྲོ་ལ་ཞི་བདེའི་མར་ལོ་སྤྱིན།།

རྟ་མཆོག་ཁྲོས་པའི་བཀའ་རྩ་བཏབ་པ་ཡི།།
གདོང་དམར་དཔུང་གི་ཁྱིམ་གཞིས་དྲོན་མོ་དེ།།
མི་སྲིན་སྒྱོགས་ཀྱིས་ཡོངས་སུ་གཏོར་ན་ཡང་།།
མཐའ་གཉིས་བྲལ་བ་ཉིད་ནི་རྒྱལ་དར་བཞིན།།

སྐྱེ་དགུའི་བདག་པོ་བོད་མིའི་ངོ་བོ་ཉིད།།
ལྷ་མོ་དོན་འགྲུབ་བསྟན་འཛིན་རྒྱ་མཚོ་ཁྱེད།།
འགྲོ་བའི་དེད་དཔོན་བཅུ་གཅིག་ཞལ་བཟང་སྟེ།།
རྫི་བོ་ལྟ་བུའི་སངས་རྒྱས་མིན་ན་སུ།།

ཆགས་ཐོགས་བླུན་བྲལ་བརྗོད་པའི་ཆོ་འཕྲུལ་སྟོན།།
གང་ལ་གང་མཁོ་དེ་ལ་དེ་སྟོན་པ།།
བཙུན་པ་སྤྱན་རས་གཟིགས་ཀྱི་བྱིན་མཐུ་ཡིས།།
བོད་ཁམས་བདེ་ཞིང་འཛམ་གླིང་ཞི་བདེ་ཤོག།

Earliest haunting images of Tibet revealed: Photographs taken by British officer during controversial 1903 mission which depicted Mount Everest to Westerners for the first time

 The collection of photographs, which would have been the first time a Westerner captured the landscapes on film, is expected to fetch £1,200 at auction

 The British camp, which was made up of soldiers, sherpas and porters, is shown flying the Union Jack in front of Everest

 The fortress Gyantse Dzong fell to the British in July 1904 after a determined defence by Tibetans

 The invading British forces set up camp near Everest on their journey to the capital Lhasa from India

ཕྱི་ལོ་ ༢༠༡༦ ལོའི་ཕྱི་ཟླ ༦ པའི་ཚེས་ ༡༥ ཉིན་གྱི་ཞོགས་པའི་ཆུ་ཚོད་ ༡༠།༡༥ སྟེང་བོད་མི་ཡོངས་ཀྱི་སྐྱབས་མགོན་༧གོང་ས་ཏཱ་ ལའི་བླ་མ་མཆོག་ཨ་རིའི་ཕོ་བྲང་དཀར་པོའི་ནང་ཞབས་སོར་འཁོད་དེ་ཨ་རིའི་སྲིད་འཛིན་ཨོ་བྷ་མ་གཙོས་པའི་གནད་ཡོད་མི་སྣ་ཁག་ཅིག་ལ་མཇལ་འཕྲད་གནང་རྒྱུ་གཏན་འཁེལ་བ།།

His Holiness the Dalai Lama public talk, “A Peaceful Mind in a Modern World” and his Special message to Tibetan at American University's Bender Arena in northwest Washington, Monday, June 13, 2016. organised by CATA( Capital Area Tibetan Association)རོའུ་ཊར་གསར་ཁང་གིས་གནས་ཚུལ་སྤེལ་བ་ལྟར་ན། ཕྱི་ལོ་ ༢༠༡༦ ལོའི་ཕྱི་ཟླ ༦ པའི་ཚེས་ ༡༥ ཉིན་གྱི་ཞོགས་པའི་ཆུ་ཚོད་ ༡༠།༡༥ སྟེང་གཞུང་འབྲེལ་མ་ཡིན་པའི་ཐོག་ནས་བོད་མི་ཡོངས་ཀྱི་སྐྱབས་མགོན་༧གོང་ས་ཏཱ་ ལའི་བླ་མ་མཆོག་ཨ་རིའི་ཕོ་བྲང་དཀར་པོའི་ནང་ཞབས་སོར་འཁོད་དེ་ཨ་རིའི་སྲིད་ འཛིན་ཨོ་བྷ་མ་གཙོས་པའི་གནད་ཡོད་མི་སྣ་ཁག་ཅིག་ལ་མཇལ་འཕྲད་གནང་རྒྱུ་གཏན་འཁེལ་ ཡོད་པ་དང་། གནས་ཚུལ་དེས་རྒྱ་ནག་གཞུང་ལ་དོ་ཕོག་བྱུང་སྐོར་བརྗོད་འདུག
གོང་གསལ་གྱི་པར་རིས་གསར་འགྱུར་འདི་ནི་ཨ་རི་རྒྱལ་ཁབ་ཀྱི་གྲོས་ཚོགས་གོང་འོག་གཉིས་ཀྱི་གནད་ཡོད་དབུ་ལས་རྣམ་པ་དང་བོད་ཀྱི་བུ་རྒོད་༸གོང་ས་བསྟན་འཛིན་རྒྱ་མཚོ་ལྷན་བཞུགས་ཀྱི་ངང་ཚུལ་ཞིག་རེད།