Wednesday, October 8, 2014
Tuesday, October 7, 2014
1958-"ཕམ་ཉེས་ཤིག་གི་མཇུག་བྱང་།"
སྐར་མ་དམར་པོའི་ནམ་ཟླའི་ཁྲོད་ན་མཐིང་སྨུག་སྦྲ་ཡིས་ལྷགས་རླུང་འགམས།།
ཅེ་སྤྱང་ཁྲོས་པའི་གད་རྒྱང་རིང་མོ་མུན་པས་རུམ་སྟེ་གཟན་ལ་འདུར།།
མ་བུ་བྲལ་བའི་ལུག་ཁྱུའི་འབའ་སྒྲ་རླུང་གིས་བཟླས་ཏེ་ཕྱོགས་སུ་འཁྱམས།།
བདག་མེད་སྦྲ་ཡི་ཁྱིམ་གཞིས་དྲོན་མོ་ལྟོ་ཡིས་མནར་བའི་སྒོ་ཁྱིས་འཚོ།།
གཡུལ་དུ་ཆས་པའི་རྟ་མཆོག་རྒོད་པོའི་རྨུག་སྒྲའི་ང་རོ་རི་ན་འཕུར།།
དཔའ་བོའི་ཚེ་སྲོག་མཚོན་གྱིས་ཕྲོགས་པས་རི་ལུང་ཐང་གསུམ་གཉིད་དུ་ཡུར།།
བས་མཐའི་མཚམས་ན་རྣམ་ཤེས་འབུམ་གྱིས་བེམ་རོ་འཚོལ་བའི་ཀི་སྭོ་སྒྲོག།
ཐང་དཀར་རྒོད་ཀྱང་སྐྱོ་བའི་སྦྲུམ་སྟེ་སྤྲིན་གྱི་ཀློང་ན་འདབ་གཤོག་གློད།།
བདུད་དཔུང་རྒྱལ་བའི་བ་དན་དམར་པོས་སྐྱ་སེར་ཕོ་མོའི་རོ་ལ་འཆའ།།
ཞེ་སྡང་ཁྲག་གི་རྦ་རླབས་ངོགས་ན་རལ་གྲིའི་སོ་ཁ་དགྲ་ལ་སྡང་།།
ཉམ་ཆུང་བྱིས་པའི་ངུ་སྐད་ཕྲ་མོ་དབེན་པའི་ནགས་ན་བྲག་ཅས་འཁྱེར།།
ཕྱི་མའི་ཡུལ་ན་ངུ་ངག་མཆོད་པའི་ཨ་མས་བུ་ཆུང་སྐད་ཀྱིས་འབོད།།
འཛུམ་གྱི་འགྱུར་བག་དབྱངས་སུ་འཕྱོ་བའི་གངས་དཀར་འདབ་མས་ཞི་བདེ་འཚོལ།།
འཚེ་མེད་གཞན་ཕན་ལྷག་བསམ་དཀར་པོས་མ་ནིའི་དབྱངས་རྟ་སྙིང་ནས་མཆོད།།
མཐོན་མཐིང་རྒྱལ་མོས་མི་སྲིན་སྒྱོགས་ཀྱི་རྡུལ་སྤྲིན་དམར་པོ་ཧུབ་ཀྱིས་འཐུང་།།
དབུ་ནག་བོད་ཀྱི་སྐྱིད་པའི་ཕ་གཞིས་མཐའ་དམག་དཔུང་གིས་ནོམ་དུ་བླངས།།
སྡུག་གིས་བཅུམས་པའི་ལ་རྒྱའི་སྤོབས་པ་རི་ཆུ་སྟོང་གི་ཕ་མཐར་མྱུལ།།
སྐྱབས་ཀྱི་མདུན་མ་རི་ལ་བཅོལ་བས་ཚ་བའི་གྲོང་ལ་ཁ་བ་ལྷུང་།།
ཡུལ་འཁྱར་བ་ཡི་དར་མའི་ལང་ཚོ་རྒྱུས་མེད་ཡུལ་ནས་ལོ་ཟླས་ཟས།།
མི་རིགས་འདི་ཡི་སེམས་ཀྱི་འབོད་པ་རེ་བའི་མལ་ན་གཉིད་དུ་ཡུར།།
Friday, July 4, 2014
ཕ་རན་སི་གྲོས་ཚོགས་གོང་མའི་ནང་སྐུའི་འཁྲུངས་སྐར་གྱི་རྟེན་འབྲེལ་མཛད་སྒོ་ཚོགས་པ།
༄༅། །ཕྱི་ལོ་ ༢༠༡༤ ཟླ་ ༧ ཚེས་ ༣ ཉིན་ཕ་རན་སིའི་རྒྱལ་ས་པེ་རི་སིར་ནང་རྟེན་གཞི་བྱས་པའི་ཕ་རན་སིའི་གྲོས་ཚོགས་གོང་མའི་ལས་ཁུངས་ཀྱི་བསྟི་གནས་གྱུར་བའི་གྲོས་ཚོགས་ཀྱི་ཚོགས་ཁང་ནང་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལུགས་ལྟར་དགུང་གྲངས་ ༧༩ ལ་ཕེབས་པའི་སྐུའི་འཁྲུངས་སྐར་གྱི་རྟེན་འབྲེལ་མཛད་སྒོ་ཚོགས་འདུག
དེ་ཡང་སྐུའི་འཁྲུངས་སྐར་གྱི་རྟེན་འབྲེལ་མཛད་སྒོར་ཕ་རན་སི་གྲོས་ཚོགས་གོང་མའི་འཐུས་མི་ལས་ཟུར་ཁག་གཅིག་གིས་གཙོས་ཡུ་རོབ་བོད་ཀྱི་སྐུ་ཚབ་དོན་གཅོད་དངོས་གྲུབ་རྡོ་རྗེ་ལགས་དང་། ཕ་རན་སི་ས་གནས་འབྲེལ་མཐུད་པ་དྲུང་ཆེ་ཚེ་རིང་དོན་གྲུབ་ལགས། དེ་བཞིན་ཁུལ་དེའི་བོད་རིགས་ཚོགས་སྐྱིད་ཁག་གི་སྐུ་ཚབ། བོད་དོན་རྒྱབ་སྐྱོར་བའི་སྐུ་ཚབ་སོགས་ཁྱོན་མི་གྲངས་ ༨༠ བརྒལ་བ་འདུ་འཛོམས་ཀྱིས། ༸གོང་ས་༸སྐྱབས་མགོན་ཆེན་པོ་མཆོག་གི་འཁྲུངས་སྐར་སྲུང་བརྩི་གཟབ་རྒྱས་ཞུས་འདུག
སྐབས་དེར་ཕ་རན་སི་གྲོས་ཚོགས་གོང་མའི་བོད་དོན་རྒྱབ་སྐྱོར་ལྷན་ཚོགས་ཀྱི་ཚོགས་གཙོ་སྐུ་ཞབས་ཇེན་ཕ་རན་སྭ་ཧུམ་བྷ་ཊི་ Jean-François Humbert མཆོག་གིས་༸གོང་ས་མཆོག་གི་མཛད་འཕྲིན་མཐའ་དག་ལ་ཆེ་བསྟོད་ཀྱི་ཡི་རང་གུས་བརྩི་ཞུས་ཐོག་ཐེངས་འདིའི་འཁྲུངས་སྐར་ལ་འཚམས་འདྲིའི་གསུང་བཤད་གནང་ཡོད་པ་མ་ཟད། ཕ་རན་སི་གྲོས་ཚོགས་ཀྱི་ངོས་ནས་བོད་ཀྱི་གནད་དོན་དེ་བཞིན་འཚེ་མེད་ཞི་བའི་འཐབ་རྩོད་ཅིག་ལ་ངོས་འཛིན་གྱིས་མུ་མཐུད་རྒྱབ་སྐྱོར་གནང་རྒྱུ་ཡིན་སྐོར་གསུངས་འདུག དེ་བཞིན་སྐུ་ཚབ་དོན་གཅོད་དངོས་གྲུབ་རྡོ་རྗེ་ལགས་ཀྱིས་ཕ་རན་སི་གྲོས་ཚོགས་ཀྱིས་ལོ་ལྟར་༸གོང་ས་༸སྐྱབས་མགོན་ཆེན་པོ་མཆོག་གི་སྐུའི་འཁྲུངས་སྐར་སྲུང་བརྩི་དེ་བཞིན་གྲོས་ཚོགས་ཀྱི་ལས་ཁུངས་ནང་ཞུ་བཞིན་ཡོད་པ་མ་ཟད། རྒྱུན་ལྡན་བོད་ཀྱི་གནད་དོན་ཐོག་ཐུགས་འཁུར་ཆེ་བཞེས་ཀྱིས་རྒྱབ་སྐྱོར་གནང་བར་ཐུགས་རྗེ་ཆེ་ཞུས་འདུག
Sunday, June 22, 2014
ཁུང་ཙི་བསྟི་གནས་ཁང་དང་འབྲེལ་བ་བྱས་ཚེ་ཤེས་ཡོན་གྱི་རང་དབང་ལ་འགོག་རྐྱེན་བཟོ་བཞིན་ཡོད་པའི་སྐྱོན་བརྗོད་ཀྱི་བསྒྲགས་གཏམ་སྤེལ་བ།
༄༅། །དབྱིན་ཇིའི་གསར་ཤོག་གྲགས་ཅན་ཊེ་ལི་གྷ་རབ་ The Telegraphཀྱི་གསར་འགོད་པ་སྐུ་ཞབས་པེ་ཊར་ཕོ་སི་ཊར་ Peter Fosterལགས་ཀྱིས་རྩོམ་ཡིག་ཅིག་སྤེལ་བའི་ནང་འཁོད་དོན་ལྟར་ན།
དེང་སྐབས་ཨ་རིའི་གཙུག་ལག་སློབ་དཔོན་མཐུན་ཚོགས་ The American Association of University Professors (AAUP) ཞེས་འཛམ་གླིང་ནང་ཆེས་མཐོང་ཆེན་པོ་ཞུ་བཞིན་ཡོད་པའི་མཐུན་ཚོགས་དེས་རྒྱ་ནག་གི་ ཁུང་ཙི་བསྟི་གནས་ཁང་Confucius Institutes ཟེར་བར་སྐྱོན་བརྗོད་ཀྱི་བསྒྲགས་གཏམ་ཤུགས་སྤེལ་བའི་ནང་འཁོད་དོན། དེ་ཡང་རྒྱ་ནག་དམར་པོའི་སྲིད་གཞུང་གིས་དེང་སྐབས་རྒྱལ་སྤྱིའི་སྟེང་རྒྱ་ནག་གི་ འཇམ་པོའི་སྟོབས་ཤུགས་གོང་འཕེལ་གཏོང་རྒྱུ་དང་རྒྱ་ནག་དམར་ཤོག་ཚོགས་པ་རང་ཉིད་ ཀྱི་རྣམ་པ་ཇེ་བཟང་དུ་གཏོང་ཆེད་འཛམ་
འཛམ་གླིང་མཉམ་འབྲེལ་རྒྱལ་ཚོགས་ཀྱིས་བོད་མི་སྐྱབས་བཅོལ་བ་བལ་ཡུལ་དུ་འབྱོར་སྐབས་རོགས་རམ་གནང་རྒྱུའི་གསར་འགོད་གསལ་བསྒྲགས་སྤེལ་བ།
༄༅། །འཛམ་གླིང་མཉམ་འབྲེལ་རྒྱལ་ཚོགས་ཀྱི་ཆེས་མཐོའི་སྐྱབས་བཅོལ་རྟོག་ཞིབ་ཚོགས་པས་ The UN High Commissioner for Refugees རྒྱལ་སྤྱིའི་སྐྱབས་བཅོལ་ཉིན་མོ་དང་སྟབས་བསྟུན་གསར་འགོད་ལྷན་ཚོགས་ཤིག་སྐོང་ ཚོགས་གནང་སྟེ་བོད་ནས་བལ་ཡུལ་བརྒྱུད་རྒྱ་གར་དུ་སྐྱབས་བཅོལ་ཡོང་མཁན་བོད་མི་ རྣམས་བལ་ཡུལ་དུ་སྡོད་རིང་ཟས་གོས་སོགས་གང་སྤྱིའི་མཐུན་རྐྱེན་སྦྱར་རྒྱུ་མ་ཟད། རྒྱ་གར་དུ་བདེ་འབྱོར་ཐུབ་རྒྱུར་རོགས་རམ་གནང་རྒྱུའི་ཁས་ལེན་ཡང་གནང་ཡོད། དེ་ཡང་གསར་འགོད་ལྷན་ཚོགས་ཐོག་སྤེལ་བའི་གསལ་བསྒྲགས་དེའི་ནང་འཁོད་དོན་ལྟར་ན།
འཛམ་གླིང་མཉམ་འབྲེལ་རྒྱལ་ཚོགས་ཀྱི་ཆེས་མཐོའི་སྐྱབས་བཅོལ་རྟོག་ཞིབ་ཚོགས་པས་ བོད་ནས་བལ་ཡུལ་བརྒྱུད་རྒྱ་གར་དུ་རང་གི་རྩ་བའི་བླ་མ་མཇལ་ཆེད་བྲོས་བྱོལ་དུ་ ཕེབས་མཁན་བོད་མི་རྣམས་རྒྱ་གར་དུ་བདེ་ཐང་ངང་འབྱོར་ཐུབ་རྒྱུར་མཐུན་འགྱུར་ རོགས་རམ་གནང་དང་གནང་བཞིན་པ་མ་ཟད། བོད་མི་སྐྱབས་བཅོལ་བ་ཁོང་རྣམས་བལ་ཡུལ་དུ་སྡོད་རིང་ཆེས་མཐོའི་སྐྱབས་བཅོལ་ རྟོག་ཞིབ་ཚོགས་པས་སྨན་བཅོས་སོགས་ཀྱི་མཐུན་འགྱུར་ཡང་གནང་བཞིན་ཡོད། ཅེས་འཁོད་འདུག
Thursday, June 12, 2014
Subscribe to:
Posts (Atom)