སྤྱི་འཐུས་ལྷན་ཚོགས་ཀྱི་རྒྱ་གར་བྱང་ཤར་ཁུལ་དུ་བོད་དོན་ཞུ་གཏུག་ལས་འགུལ།
བྱང་ཤར་ཁུལ་དུ་རྒྱ་གར་གཞུང་མང་གཉིས་ལ་བོད་དོན་ཞུ་གཏུག་ལས་འགུལ་ཚོགས་ཆུང་གི་ཚོགས་མི་སྤྱི་འཐུས་རྣམས་ཕྱི་ལོ་༢༠༡༣
ཟླ་༡ ཚེས་༦ ནས་དགུའི་བར། ནུབ་བྷེང་གྷལ་མངའ་སྡེའི་སྲིད་སྐྱོང་དང། བློན་ཆེན། མངའ་སྡེའི་གྲོས་ཚོགས་ཀྱི་འཐུས་མི་སོགས་དང་མཇལ་འཕྲད་གནང་ཡོད་པ་དང།
ཕྱི་ཚེས་༡༠ ཉིན་མངའ་སྡེའི་གྲོས་ཚོགས་ཀྱི་ཚོགས་ཚོགས་གཙོ་དང། མངའ་སྡེའི་བློན་ཆེན་དང་གྲོས་ཚོགས་ཀྱི་འཐུས་མི་སོགས་ལ་མཇལ་འཕྲད།
དེ་ཡང་ཕྱི་ཟླ་༡
ཚེས་༡༠ ཉིན་གྱི་ཉིན་གུང་ཆུ་ཚོད་༡༢ དང་སྐར་མ་༥༠ ཐོག་མངའ་སྡེའི་གྲོས་ཚོགས་ཀྱི་ཚོགས་གཙོ་སྐུ་ཞབས་བྷི་མན་བྷེ་ནར་ཇི་(Shri
Biman Banerjee) མཆོག་དང་ཁོང་གི་ཡིག་ཚང་མཇལ་འཕྲད་ཀྱིས་བོད་ནང་གི་ཛ་དྲག་གི་གནས་སྟངས་ངོ་སྤྲོད་དང་འབྲེལ་བོད་དོན་རྒྱབ་སྐྱོར་ཡོང་བའི་འབོད་སྐུལ་ཞུས་པར།
ཁོང་གིས་བོད་དོན་ལ་ཐུགས་སྣང་ཆེན་པོ་གནང་ནས་རྒྱབ་སྐྱོར་གནང་རྒྱུའི་ཞལ་བཞེས་གནང་བ་མ་ཟད།
དུས་རྒྱུན་བཙན་བྱོལ་དུ་ཡོད་པའི་བོད་མི་མང་སྤྱི་འཐུས་ལྷན་ཚོགས་ཀྱི་འགྲོ་སྟངས་དང། ལས་དོན་བྱེད་ཕྱོགས་སོགས་བཀའ་འདྲི་དང་ངོ་སྤྲོད་ཞིབ་ཕྲ་ཞུ་རྒྱུའི་གོ་སྐབས་བྱུང་ཡོད་པ་རེད།
དེ་བཞིན་ཉིན་འདིར་མངའ་སྡེའི་ཟས་རིགས་བློན་ཆེན་སྐུ་ཞབས་ཇཱོ་ཏི་པི་རི་ཡ་མོ་ལིཀ
(Shri Jyoti Pria Mollick) དང། མཇལ་འཕྲད་ཀྱིས་བོད་དོན་རྒྱབ་སྐྱོར་གནང་སྐྱོང་ཡོང་བའི་འབོད་སྐུལ་ཞུས་པར་ཐུགས་སྣང་ཆེན་པོའི་ཐོག་ནས་གསན་འཇོག་གནང་བ་མ་ཟད།
རྒྱབ་སྐྱོར་གནང་རྒྱུའི་ཞལ་བཞེས་ཀྱང་གནང།
མངའ་སྡེའི་ན་གཞོན་བློན་ཆེན་སྐུ་ཞབས་ཨ་རོབ་བྷི་སི་ཝ་སི་(Shri
Aroop Biswas)མཆོག་དང་ཁོང་གི་ཡིག་ཚང་དུ་མཇལ་འཕྲད་ཀྱིས་བོད་དོན་སྐོར་རྒྱབ་སྐྱོར་གནང་རྒྱུའི་ཞུ་སྐུལ་ཡིག་ངག་གཉིས་ཐོག་ནས་ཞུས་པར།
ཁོང་གིས་ཀྱང་བོད་དོན་སྐོར་ལ་ཐུགས་སྣང་ཆེན་པོ་དང་སྦྲགས་རྒྱབ་སྐྱོར་གནང་རྒྱུའི་ཞལ་བཞེས་གནང་བ་ཟད།
བོད་དོན་སྐོར་ལ་དྲི་བ་གང་མང་གནང་བར་ལན་འདེབས་ཞིབ་ཕྲ་ཞུ་རྒྱུའི་གོ་སྐབས་བྱུང།
གཞན་ཡང་ཉིན་འདིར་མངའ་སྡེའི་ཕྱོགས་འགལ་དམར་ཤོག་ཚོགས་པའི་(CPIM)འཐུས་མི་སྐུ་ཞབས་ཨན་སུར་རེཧ་མན་(Shri
Ansur Rehman) སྤྱི་ཚོགས་མང་གཙོ་ཚོགས་པའི་(DSP)མངའ་སྡེའི་གྲོས་ཚོགས་འཐུས་མི་པྲ་མོད་ཅནྡྲ་སིནྷ་(Shri
Pramod Chandra Sinha)ལགས་དང་མཇལ་འཕྲད་ཀྱིས་བོད་དོན་རྒྱབ་སྐྱོར་ཡོང་བའི་ཞུ་སྐུལ་ཞུས་པར་ཐུགས་སྣང་ཆེན་པོའི་རྒྱབ་སྐྱོར་གནང་རྒྱུའི་ཞལ་བཞེས་ཐོབ།
མངའ་སྡེའི་སྤྱི་ཁྱབ་ཆེན་བློན་ཆེན་མཆོག་མཛད་བྲེལ་སྣེ་མང་ལ་བརྟེན།
མཇལ་འཕྲད་ཞུ་རྒྱུའི་གོ་སྐབས་མ་བྱུང་ཡང། སྤྱི་ཁྱབ་བློན་ཆེན་ལས་ཁུངས་ཀྱི་དམིགས་བསལ་འགན་བཞེས་པ་སྐུ་ཞབས་ཨ་ཤོཀ་སུ་བྲ་མ་ནྱིམ་(Mr.
Ashok Subramaniam)ལགས་དང་ཡིག་ཚང་དུ་ཐུག་འཕྲད་ཀྱིས།
སྤྱི་ཁྱབ་བློན་ཆེན་མཆོག་ལ་བོད་ནང་གི་ཛ་དྲག་གནས་སྟངས་དང་རྒྱབ་སྐྱོར་གནང་སྐྱོང་ཡོང་བའི་སྙན་ཞུ་ཡིག་ཐོག་ནས་འབུལ་ལམ་ཞུས།
ཕྱི་ཚེས་༡༡
ཉིན་གྱི་ཕྱི་དྲོ་ཆུ་ཚོད་༤ པ་ནས་༦ པའི་བར་མོན་གྷལ་གྷ་ལི་རི་ཚོགས་ཁང་དུ་བོད་ནང་གི་ཛ་དྲག་གི་གནས་སྟངས་དང་འབྲེལ་བའི་གསར་འགོད་གསལ་བསྒྲགས་ཤིག་སྤེལ་བ་དང།
སྐབས་དེར་རྒྱལ་ཡོངས་གསར་ཤོག་(Times of India,The Hindu,The Statesman,Hindustan
Times,PTI.ANI.)གསར་འགོད་པ་གཙོ་བོར་གྱུར་པའི་གྲངས་ ༢༥ ཙམ་ཕེབས་ཡོད་པ་དང། བོད་ནང་གི་ཛ་དྲག་གནས་སྟངས་སྐོར་ལ་དྲི་བ་དྲིས་ལན་སོགས་ཀྱི་གོ་སྐབས་བྱུང་ཡོད་པ་རེད།
གསར་འགོད་གསལ་བསྒྲགས་ཟིན་པའི་རྗེས་སུ་གསར་འགོད་པ་ཚོར་ཕྱི་དྲིས་ལས་ཁུངས་ནས་ཕྱོགས་བསྒྲིགས་གནང་བའི་ཆུ་ཚོད་ཕྱེད་ཀའི་བརྙན་འཕྲིན་གཟིགས་འབུལ་ཞུས།
དེའི་རྗེས་ས་གནས་ཀྱི་བོད་མི་གནས་སྡོད་བྱེད་མཁན་དང། བོད་རིགས་སུད་ཚོང་བ། བོད་རིགས་ཁ་ཆེ་བ་དང།
སློབ་མ་སོགས་བོད་རིགས་དང་ཡུལ་མི་བཅས་མི་གྲངས་ ༢༠༠ ལྷག་ཙམ་གྱིས་ཝི་ལིང་ཀྲོན་སི་ཀོ་འེར་ནས་པྲེ་སེ་ཀོ་ལོབ་བར་ལེ་དབར་གསུམ་ཙམ་དུ་གདུང་སེམས་མཉམ་སྐྱེད་ཀྱི་མར་མེའི་ཁྲོམ་སྐོར་གྱི་ལས་འགུལ་ཞིག་ཀྱང་སྤེལ་ཡོད་པ་དང་མཇུག་བསྡོམས་སུ་སྤྱི་འཐུས་རྣམ་པས་གཏམ་བཤད་གནང་སྟེ་ནུབ་བྷེང་གྷལ་མངའ་སྡེའི་ནང་གི་ལས་འགུལ་མཇུག་བསྡོམས་གནང་ཡོད་པ་རེད།
དེའི་རྗེས་མངའ་སྡེའི་གཞུང་འཛིན་ཚོགས་པའི་མགྲིན་ཚབ་པ་དང་གྲོས་ཚོགས་གོང་མའི་ཚོགས་མི་སྐུ་ཞབས་ཌི་རེཀ་ཨོ་བྷི་རེ་ཡན་(Shri-
Derek O Brien) མཆོག་དང་མཇལ་འཕྲད་ཀྱིས་བོད་དོན་ཞུ་སྐུལ་ཞུས་ཡོད་པ་རེད།
སྐབས་འདིར་འདིར་སྤྱི་ཁྱབ་བློན་ཆེན་གཙོ་བོར་གྱུར་པའི་མངའ་སྡེའི་གྲོས་ཚོགས་འཐུས་མི་༢༩༦
ཡོད་པའི་ནང་ནས་དངོས་སུ་མཇལ་འཕྲད་བྱུང་བ་རྣམས་ལ་ཡིག་ངག་གཉིས་ཐོག་ནས་བོད་ནང་གི་དྲག་གནས་སྟངས་དང་ངོ་སྤྲོད་དང་རྒྱབ་སྐྱོར་ཡོང་བའི་འབོད་སྐུལ་ཞུས་པ་དང།
དངོས་སུ་མཇལ་འཕྲད་ཀྱི་གོ་སྐབས་མ་བྱུང་བ་རྣམས་ལ་རེ་རེ་བཞིན་སྦྲག་བརྒྱུད་མཚན་འཁོད་སྙན་ཞུ་དང་མཉམ་དུ་རང་ལུས་མེར་སྲེག་བཏང་བའི་ཡིག་ཆ་བཅས་འབུལ་ལམ་ཞུས་ཡོད་པ་རེད།
མི་མང་སྤྱི་འཐུས་ལྷན་ཚོགས་ཀྱི་འཐུས་མི་རྣམས་ཚོགས་ཆུང་གསུམ་དུ་ཁག་བགོས་བྱས་ནས་རྒྱ་གར་ལྷོ་ཕྱོགས་དང།
བྱང་ཤར། བྱང་ཕྱོགས་བཅས་སུ་སྤྱི་འཐུས་ཀྱི་ཚོགས་ཆུང་གསུམ་གྱིས་སྣེ་ཁྲིད་ནས་བོད་དོན་ཞུ་གཏུག་གིས་རྒྱབ་སྐྱོར་འཚོལ་བའི་ལས་འགུལ་ཞིག་རྒྱ་གར་ཡོངས་སུ་ཕྱི་ཟླ་དང་པོ་ནས་འགོ་འཛུགས་བྱས་ཡོད་པ་དང།
བྱང་ཤར་ཁུལ་གྱི་ཞུ་གཏུག་ལས་འགུལ་གྱི་སྣེ་ཁྲིད་ཚོགས་ཆུང་གི་ཚོགས་གཙོ་སྤྱི་འཐུས་པདྨ་འབྱུང་གནས་ལགས་དང།
དེ་བཞིན་སྤྱི་འཐུས་གསེར་རྟ་ཚུལ་ཁྲིམས་ལགས། སྤྱི་འཐུས་ཟླ་སྒྲོན་ཤར་གླིང་ལགས། སྤྱི་འཐུས་དབྱངས་ཅན་སྒྲོལ་དཀར་ལགས་བཅས་ཕྱི་ལོ་༢༠༡༣
ཟླ་༡ ཚེས་༦ ཉིན་ནུབ་བྷེང་གྷལ་མངའ་སྡེའི་རྒྱལ་ས་ཀོལ་ཀ་ཏ་རུ་འབྱོར་ནས་ཞུ་གཏུག་གི་ལས་འགུལ་འགོ་འཛུགས་བྱས་ཡོད་པ་དང།
དེ་རིང་ཕྱི་ཚེས་༩ བར་ནུབ་བྷེང་གྷལ་མངའ་སྡེའི་སྲིད་སྐྱོང་ཨེམ་ཀེ་ནཱ་ར་ཡ་ནན། (Shri
M.K Narayanan)མཆོག་དང་ཁོང་གི་ཡིག་ཚང་གི་སྐུ་མགྲོན་ཐུག་འཕྲད་ཁང་དུ་མཇལ་འཕྲད་དང། རྒྱ་གར་དབུས་གཞུང་གི་གྲོང་ཁྱེར་ཡར་རྒྱས་བློན་ཆེན་ལྕམ་སྐུ་དྷི་པ་དྷ་སི་མོན་ཤི་(Smt
Deepa Das Munshi)མཆོག་དང། རྒྱ་གར་དབུས་ཀྱི་གྲོས་ཚོགས་གོང་མའི་འཐུས་མི་དང། མངའ་སྡེའི་ཀོང་རེ་སི་ཚོགས་པའི་ཚོགས་གཙོ་གཅིག་ལྕོགས་སྐུ་ཞབས་པར་དིབ་བྷར་ཊ་ཅ་རི་ཡ་(Pradip
Bhattachariya)མཆོག ནུབ་བྷེང་གྷལ་མངའ་སྡེའི་འཆར་འགོད་བློན་ཆེན་སྐུ་ཞབས་རཅ་པཱལ་སིངྒ་(Shri.Rachhpal
Singh)མཆོག
དེ་བཞིན་ནུབ་བྷེང་གྷལ་མངའ་སྡེ་དེའི་གྲོས་ཚོགས་འཐུས་མི་འབུམ་རམས་པ་ར་མེན་དྷ་ར་ནཱ་ཐཱ་བི་ཤི་ཝ་ཤ་(Dr.Ramendranath
Biswas)ལགས་དང། སྐུ་ཞབས་ས་མ་རིཤ་དཱས་(Samares Das) དང། སྐུ་ཞབས་ཨ་བྷོ་ནི་ཇོར་རྡར་(shri.Aboni
Joardar) ལགས། སྐུ་ཞབས་སུག་བི་ལན་བར་མ་(shri.Sukhbilan Barma ལགས་བཅས་དང་མཇལ་འཕྲད་གནང།
མངའ་སྡེའི་གཞུང་འཛིན་རྒྱ་གར་རྒྱལ་ཡོངས་ཏྲི་མུལ་ཀོང་རེ་སི་ཚོགས་ཚོགས་པའི་སྤྱི་ཁྱབ་ཡིག་ཚང་དུ་ཆེད་བཅར་གྱིས་ཚོགས་པ་དེའི་སྤྱི་ཁྱབ་ཚོགས་གཞོན་སྐུ་ཞབས་བྷ་ནི་སིངྒ་རོ་ཝེ་(shri.Bani
Singh Roy)ལགས་དང། མངའ་སྡེ་དེའི་ནང་གི་གོང་རེ་སི་ཚོགས་པའི་སྤྱི་ཁྱབ་ཡིག་ཚང་དུ་བཅར་ནས་ཚོགས་པ་དེའི་ཚོགས་གཙོ་པར་དིབ་བྷར་ཊ་ཅ་རི་ཡ་སོགས་འབྲེལ་ཡོད་དབུ་ཁྲིད་རྣམས་དང་ཐུག་འཕྲད་ཀྱིས་བོད་ནང་གི་ཛ་དྲག་གནས་སྟངས་དང་འབྲེལ་བའི་ཐོག་ནས་བོད་དོན་རྒྱབ་སྐྱོར་གནང་སྐྱོང་ཡོང་བའི་འབོད་སྐུལ་སོགས་ཞུས་ཡོད་པ་དང།
འབྲེལ་ཡོད་སོ་སོས་དེ་ལུགས་རྒྱབ་སྐྱོར་གནང་རྒྱུའི་ཞལ་བཞེས་ཀྱང་གནང་ཡོད་པ་རེད།
མངའ་སྡེ་འདིའི་ནང་གི་ལས་འགུལ་གྲུབ་མཚམས་ལ་ཨོ་རི་ས་མངའ་སྡེ་དང།
ཆ་ཏིཤ་གར་མངའ་སྡེ། ཇར་ཁནྡ་མངའ་བཅས་ལ་ཞུ་གཏུག་ཏུ་བཅར་རྒྱུ་རེད་འདུག་པ་བཅས་ཀྱི་གསར་གནས་སུ།
༄༅། །བྱང་ཤར་ཁུལ་དུ་རྒྱ་གར་གཞུང་མང་གཉིས་ལ་བོད་དོན་ཞུ་གཏུག་ལས་འགུལ་ཚོགས་ཆུང་གི་ཚོགས་མི་སྤྱི་འཐུས་རྣམས་ཕྱི་ལོ་
༢༠༡༣ ཟླ་ ༡ ཚེས་ ༦ ནས་ ༡༡ བར་ནུབ་བྷེང་གྷལ་མངའ་སྡེར་ལེགས་གྲུབ་ཀྱིས་ཕྱི་ཚེས་ ༡༢ ཉིན་ཨོ་རི་ས་མངའ་སྡེའི་རྒྱལ་ས་བྷུ་ཝ་ནེཤ་ཝར་འབྱོར་ནས།
མངའ་སྡེའི་སྲིད་སྐྱོང་སོགས་སྡེ་ཚན་འདྲ་མིན་གྱི་གནད་ཡོད་མི་སྣ་ཁག་དང་མཇལ་འཕྲད་ཀྱིས་བོད་ནང་གི་ཛ་དྲག་གནས་སྟངས་ངོ་སྤྲོད་དང་འབྲེལ།
བོད་དོན་རྒྱབ་སྐྱོར་ཡོང་བའི་འབོད་སྐུལ་ཡིག་ངག་གཉིིས་ཐོག་ནས་ཞུས་ཡོད་པ་དང། མངའ་སྡེའི་དཔོན་རིགས་ཁག་གིས་ཀྱང་བོད་དོན་ལ་རྒྱབ་སྐྱོར་ཡོད་པ་དང།
སླད་ཀྱང་མུ་མཐུད་རྒྱབ་སྐྱོར་གནང་རྒྱུའི་ཞལ་བཞེས་གནང་ཡོད་པ་རེད། ད་དུང་མུ་མཐུད་མངའ་སྡེའི་སྤྱི་ཁྱབ་བློན་ཆེན་སོགས་གནད་ཡོད་མི་སྣ་ཁག་དང་མཇལ་འཕྲད་ཞུ་རྒྱུའི་ལས་རིམ་མང་དག་ཅིག་ཀྱང་བསྒྲིགས་ཡོད་པ་རེད།
ཕྱི་ཚེས་ ༡༣ ཕྱི་དྲོ་ཆུ་ཚོད་ ༥ པ་ནས་ ༧
པ་བར་རམ་མནྡིར་ནས་ལོ་ཨར་པི་ཨེམ་ཇི་བར་ཨོ་རི་ས་བོད་མིའི་གཞིས་ཆགས་ནས་དང་བླངས་ཕེབས་མི་
༡༥༠ ལྷག་དང་ས་གནས་བོད་མི་དང་རྒྱབ་སྐྱོར་བ་བཅས་མི་གྲངས་ ༢༠༠ ལྷག་ནས་གདུང་སེམས་མཉམ་བསྐྱེད་ཀྱི་མར་མེའི་ཁྲོམ་སྐོར་གནང་།
མི་སྣ་མཇལ་འཕྲད་གནང་བའི་གྲས་སུ་མངའ་སྡེའི་སྲིད་སྐྱོང་ཨེམ་སི་བྷན་དྷ་རེ་(Mr.M.C Bhandare,Honorable Governor of Odisha)དང་། མངའ་སྡེ་གཞུང་གི་སོ་ནམ་བློན་ཆེན་སྐུ་ཞབས་དྷེ་བྷི་པྲ་སད་མིཤ་ར་དང་།(Mr.Debi Prasad Mishra,Minister for Agriculture) བཟོ་ལས་དང་ཐོན་འབབ་ཁྲལ་བསྡུའི་བློན་ཆེན་སྐུ་ཞབས་ནི་རན་ཇན་པུ་ཇ་རི། (Mr.Niranjan Pujari,Minister for Industry and Excise) མངའ་སྡེའི་ཕྱོགས་འགལ་ཚོགས་པའི་གཙོ་འཛིན་སྐུ་ཞབས་བྷུ་པིན་ཌར་སིངྒ་(Mr. Bhupinder Singh,MLA, leader of opposition) མངའ་སྡེའི་ཀོང་རེ་སི་ཚོགས་པའི་ཚོགས་གཙོ་ནི་རན་ཇན་པཋ་ན་ཡེཀ་(Mr.Niranjan Patnaik)དང་གྲོས་ཚོགས་འཐུས་མི་ཟུར་པ་འགའ་ཤས། མངའ་སྡེའི་སྦི་ཇེ་པིའི་ཚོགས་པའི་ཚོགས་གཙོ་སྐུ་ཞབས་ཇཱོལ་ཨོ་རམ།(Mr.Jual Oram,State BJP President) དང་། ཚོགས་གཙོ་གཞོན་པ་དང་ཚོགས་པའི་མགྲིན་ཚབ་པ་ཨ་ཤོག་ས་ཧུ། (Mr.Ashok Sahu,Vice President & Spokesperson BJP) ཨོ་རི་ས་གཞུང་གི་སྤྱི་ཁྱབ་དྲུང་ཡིག་ཆེན་མོ་སྐུ་ཞབས་སྦི་ཀེ་པཊ་ན་ཡེཀ་(Mr.B.K. Patnaik, IAS. Chief Secretary,Govt. of Odhisha) དང་། ཨོ་རི་ས་གཞུང་གི་དྲུང་འཕར་སྐུ་ཞབས་ཇེ་ཀེ་མཧཱ་པ་ཏྲ་(Mr..J.K.Mahapatra,IAS.Additional Chief Secretary) ཨོ་རི་ས་ཤེས་ཡོན་ལྷན་ཁང་གི་དྲུང་ཡིག་གཙོ་བོ་སྐུ་ཞབས་ཇི་ཀེ་ཌཱལ།(Mr.G.K.Dhal,IAS.Principal Secretary,་Department of Higher Education) ཨོ་རི་སའི་བཟོ་ལས་དང་ཐོན་འབབ་ཁྲལ་བསྡུའི་དྲུང་ཆེ་སྒར་ཞ་བ་སྐུ་ཞབས་སུ་དར་ཤན་པལ་ཋ་ཀུར།(Mr.S.P.Thakur,IAS.Principal Secretary,Excise Dept.Govt.
of Odisha) ཨོ་རི་སའི་གསར་འགོད་པ་སྙན་གྲགས་ཅན་ནམ་ཏཐ་ཡེའི་རྩོམ་སྒྲིག་པ་སྦི་ཀེ་མིཤ་ར།(Mr.Braka K Mishra)ཨོ་རི་ས་བོད་དོན་རྒྱབ་སྐྱོར་ཚོགས་པའི་ཚོགས་གཙོ་དང་རྒྱ་གར་གཞུང་གི་སྙན་གྲགས་ཅན་གྱི་གཟེངས་རྟགས་ཐོབ་མཁན་ཌོག་ཊར་ཌི་པི་པཊ་ན་ཡེཀ་(Dr.D.P.Patnaik) རྒྱ་གར་གཞུང་གི་གཞུང་ཞབས་ཟུར་པ་དང་ལས་འགུལ་བ་སྐུ་ཞབས་ཌི་ཀེ་རོའི་(Mr.D. K.Roy,former bureaucrat,former chief commissioner
for Indian Revenue office,Govt. of India and now activist)དང། གཞུང་ཚབ་ཟུར་པ་དེང་སྤྱི་ཚོགས་ཞབས་ཞུའི་ལས་འགུལ་བ་ཨབ་ས་ར་བེ་རུའེ་(Mr.Absara Beuria,former ambassador to UAE and
Madagaskar,and now social activist)། ཨུཏ་ཀལ་གཙུག་ལག་སློབ་གྲྭ་ཆེན་མོའི་གཙོ་འཛིན་ཌོག་ཊར་ཨ་མི་ཡ་པཋ་ན་ཡེཀ་(Dr.Amiya Patnaik,Vice Chancellor of Utkal University of
Culture) མངའ་སྡེའི་ནང་པའི་ལྷན་ཚོགས་ཀྱི་ཚོགས་གཙོ་དང་ཨུཏ་ཀལ་གཙུག་ལག་སློབ་གྲྭ་ཆེན་མོའི་གཙོ་འཛིན་ཟུར་པ་ཌོག་ཊར་མོ་ཧན་ཏི།
(Dr.Mohanty,Former Vice Chancellor of Utkal University for Cultural and
Maha Bhodhi Society’s President)དང་ཚོགས་པ་དེའི་དྲུང་ཆེ་ཌོག་ཊར་བྷ་ཏྲ།(Dr.Batra) ཨོ་རི་ས་ནང་པའི་སྡེ་ཚན་གྱི་ཚོགས་གཙོ་སྐུ་ཞབས་གོ་རི་ཤངྐར་ཀུ་མར་(Mr.Gouri Shankar Kumar) བཅས་མཇལ་འཕྲད་ཞུས་འདུག །
སྲིད་སྐྱོང་མཆོག་གི་བཀའ་སློབ་ཕེབས་དོན་དུ་བོད་དོན་ཐོག་ག་དུས་ཡིན་ནའང་གདུང་སེམས་མཉམ་སྐྱེད་ཡོད་པ་དང།
བོད་ནང་དུ་དཀའ་ངལ་མུ་མཐུད་གནས་ཡོད་པ་དང་རྒྱ་དམར་གཞུང་ནས་དཀའ་ངལ་སེལ་རྒྱུར་བསམ་ཤེས་མ་བྱས་པ་ནི་བློ་ཕམ་གྱི་རང་བཞིན་ཞིག་ཡིན་གནས།
བོད་དོན་དཀའ་རྙོག་སེལ་བར་དབུ་མའི་ལམ་ནི་ཐབས་ལམ་གཅིག་ཉིད་ཡིན་པ། ཁྱེད་ཚོས་མི་དང་མི་གདོང་གཏུག་གིས་ལས་འགུལ་བརྩམས་པར་བསྔགས་བརྗོད་ཡོད་ཅེས་གསུངས།
དེ་བཞིན་གོང་གསལ་མཇལ་འཕྲད་ཞུས་པ་ཚང་མས་དེ་སྔ་ཡང་རྒྱབ་སྐྱོར་ཡོད་པ་དང་ད་དུང་དེ་ལྷག་རྒྱབ་སྐྱོར་གནང་རྒྱུ་ཡིན་པའི་ཞལ་བཞེས་གནང་འདུག་པ་དང་།
མཁས་དབང་དང་སྡེ་ཚན་འདྲ་མིན་གྱི་མི་སྣ་མཇལ་འཕྲད་ཞུས་པ་དེས་བོད་དོན་རྒྱབ་སྐྱོར་མུ་མཐུད་སྲ་བརྟན་གནས་ཐབས་དང་ཆབ་སྲིད་པ་ཚོར་གནོན་ཤུགས་སྤྲོད་ཐབས་བཅས་རེད་འདུག་བཅས་ཀྱི་གསར་གནས་སུ། 
བོད་མི་མང་སྤྱི་འཐུས་ལྷན་ཚོགས་ཀྱིས་རྒྱ་གར་གཞུང་མང་གཉིས་ལ་བོད་ནང་གི་ཛ་དྲག་གནས་སྟངས་ཞུ་སྐུལ་ལས་འགུལ
.jpg)
