Monday, January 21, 2013
བོད་མི་མང་སྤྱི་འཐུས་རྒྱ་གར་བྱང་ཕྱོགས་ཞུ་གཏུགས་ལས་འགུལ་ཚོགས་ཆུང
༄༅། །འདི་གར་བོད་མི་མང་སྤྱི་འཐུས་རྨོག་རུ་བསྟན་པ་ལགས་ཀྱིས་བཏང་གནས་ནང་འཁོད་དོན།
བོད་མི་མང་སྤྱི་འཐུས་ལྷན་ཚོགས་ཀྱི་སྐུ་ཚབ་བྱང་ཕྱོགས་ཞུ་གཏུག་ལས་འགུལ་ཚོགས་ཆུང་གིས་གོ་སྒྲིག་འོག་ཕྱི་ལོ་
༢༠༡༣ ཟླ་ ༡ ཚེས་ ༢༠ ཉིན་གྱི་སྔ་དྲོ་གནས་མཆོག་རྡོ་རྗེ་གདན་དུ་དཔལ་སྔ་འགྱུར་རྙིང་མའི་སྨོན་ལམ་ཆེན་མོ་ཐེངས་ཉེར་བཞི་པ་འཚོགས་བཞིན་པ་དང་སྟབས་བསྟུན་སྟག་ལུང་རྩེ་སྤྲུལ་རིན་པོ་ཆེ་
Friday, January 18, 2013
བོད་མི་མང་སྤྱི་འཐུས་ལྷན་ཚོགས་ཀྱི་བོད་དོན་ཞུ་སྐུལ རྒྱ་གར་ལྷོ་ཕྱོགས་ཚོགས་ཆུང་།
བོད་མི་མང་སྤྲི་འཐུས་ལྷན་ཚོགས་ཀྱི་ཞུ་སྐུལ་ལས་འགུལ་ རྒྱ་གར་བྱང་ཕྱོགས་ཚོགས་ཆུང་།
༡)
ལོག་ཇན་ཤག་ཏི་ཚོགས་པའི་Lokjan
shakti party གཙོ་འཛིན་དང་།
དབུས་གྲོས་ཚོགས་འཐུས་མི་Ramvillas
paswan ལགས་ཀྱིས་རྒྱ་གར་གྲོས་ཚོགས་ནང་བོད་དོན་གླེང་སློང་དང་།
གྲོས་ཆོད། སྲིད་འཛིན་མཆོག་ལ་བོད་དོན་བརྡ་འདེད་གཏོང་རྒྱུ་ཡིན་པའི་བསྒྲགས་གཏམ་སྤེལ།
༢)
སྤྱི་འཐུས་ཡེ་ཤེས་སྒྲོན་མ་ལགས་ཀྱིས་དབྱིུན་སྐད་སྟེང་བོད་དོན་དྲིལ་བསྒྲགས་དང་དྲིས་ལན་གནང་།
༣) སྤྱི་འཐུས་ཟླ་བ་ཚེ་རིང་ལགས་ཀྱིས་ཧིན་རྡུའི་སྐད་ཀྱིས་བོད་དོན་དྲིལ་བསྒྲགས་དང་གསར་འགོད་པར་དྲིས་ལན་གནང་།༤)
པ་དི་ན་སུལ་ཚོང་བོད་མིའི་ལས་བྱེད་ཀྱིས་སྤྱི་འཐུས་རྣམ་པར་ཕེབས་སྐྱེལ་མཇལ་དར་སྒྲོན།
༥)
བྱང་ཕྱོགས་ཞུ་གཏུགས་ལས་འགུལ་བ་རྣམས་གནས་མཆོག་རྡོེ་རྗེ་གདན་དུ་འབྱོར་ཏེ་སང་ཉིན་ནས་ཞུ་གཏུགས་ལས་འགུལ་སྐོར་ལ་མི་སྣར་མཇལ་འཕྲད་ཞུས་ཡོད་འདུག
Thursday, January 17, 2013
སྤྱི་འཐུས་ལྷན་ཚོགས་ཀྱི་རྒྱ་གར་བྱང་ཤར་ཁུལ་དུ་བོད་དོན་ཞུ་གཏུག་ལས་འགུལ་འགྲོ་བཞིན་པ།
༄༅། །བྱང་ཤར་ཁུལ་དུ་རྒྱ་གར་གཞུང་མང་གཉིས་ལ་བོད་དོན་ཞུ་གཏུག་ལས་འགུལ་ཚོགས་ཆུང་གི་ཚོགས་མི་སྤྱི་འཐུས་རྣམས་ཕྱི་ལོ་
༢༠༡༣ ཟླ་ ༡ ཚེས་ ༦ ནས་ ༡༡ བར་ནུབ་བྷེང་གྷལ་མངའ་སྡེར་ལེགས་གྲུབ་ཀྱིས་ཕྱི་ཚེས་ ༡༢ ཉིན་ཨོ་རི་ས་མངའ་སྡེའི་རྒྱལ་ས་བྷུ་ཝ་ནེཤ་ཝར་འབྱོར་ནས།
མངའ་སྡེའི་སྲིད་སྐྱོང་སོགས་སྡེ་ཚན་འདྲ་མིན་གྱི་གནད་ཡོད་མི་སྣ་ཁག་དང་མཇལ་འཕྲད་ཀྱིས་བོད་ནང་གི་ཛ་དྲག་གནས་སྟངས་ངོ་སྤྲོད་དང་འབྲེལ།
བོད་དོན་རྒྱབ་སྐྱོར་ཡོང་བའི་འབོད་སྐུལ་ཡིག་ངག་གཉིིས་ཐོག་ནས་ཞུས་ཡོད་པ་དང། མངའ་སྡེའི་དཔོན་རིགས་ཁག་གིས་ཀྱང་བོད་དོན་ལ་རྒྱབ་སྐྱོར་ཡོད་པ་དང།
སླད་ཀྱང་མུ་མཐུད་རྒྱབ་སྐྱོར་གནང་རྒྱུའི་ཞལ་བཞེས་གནང་ཡོད་པ་རེད། ད་དུང་མུ་མཐུད་མངའ་སྡེའི་སྤྱི་ཁྱབ་བློན་ཆེན་སོགས་གནད་ཡོད་མི་སྣ་ཁག་དང་མཇལ་འཕྲད་ཞུ་རྒྱུའི་ལས་རིམ་མང་དག་ཅིག་ཀྱང་བསྒྲིགས་ཡོད་པ་རེད།
ཕྱི་ཚེས་ ༡༣ ཕྱི་དྲོ་ཆུ་ཚོད་ ༥ པ་ནས་ ༧
པ་བར་རམ་མནྡིར་ནས་ལོ་ཨར་པི་ཨེམ་ཇི་བར་ཨོ་རི་ས་བོད་མིའི་གཞིས་ཆགས་ནས་དང་བླངས་ཕེབས་མི་
༡༥༠ ལྷག་དང་ས་གནས་བོད་མི་དང་རྒྱབ་སྐྱོར་བ་བཅས་མི་གྲངས་ ༢༠༠ ལྷག་ནས་གདུང་སེམས་མཉམ་བསྐྱེད་ཀྱི་མར་མེའི་ཁྲོམ་སྐོར་གནང་།
མི་སྣ་མཇལ་འཕྲད་གནང་བའི་གྲས་སུ་མངའ་སྡེའི་སྲིད་སྐྱོང་ཨེམ་སི་བྷན་དྷ་རེ་(Mr.M.C Bhandare,Honorable Governor of Odisha)དང་། མངའ་སྡེ་གཞུང་གི་སོ་ནམ་བློན་ཆེན་སྐུ་ཞབས་དྷེ་བྷི་པྲ་སད་མིཤ་ར་དང་།(Mr.Debi Prasad Mishra,Minister for Agriculture) བཟོ་ལས་དང་ཐོན་འབབ་ཁྲལ་བསྡུའི་བློན་ཆེན་སྐུ་ཞབས་ནི་རན་ཇན་པུ་ཇ་རི། (Mr.Niranjan Pujari,Minister for Industry and Excise) མངའ་སྡེའི་ཕྱོགས་འགལ་ཚོགས་པའི་གཙོ་འཛིན་སྐུ་ཞབས་བྷུ་པིན་ཌར་སིངྒ་(Mr. Bhupinder Singh,MLA, leader of opposition) མངའ་སྡེའི་ཀོང་རེ་སི་ཚོགས་པའི་ཚོགས་གཙོ་ནི་རན་ཇན་པཋ་ན་ཡེཀ་(Mr.Niranjan Patnaik)དང་གྲོས་ཚོགས་འཐུས་མི་ཟུར་པ་འགའ་ཤས། མངའ་སྡེའི་སྦི་ཇེ་པིའི་ཚོགས་པའི་ཚོགས་གཙོ་སྐུ་ཞབས་ཇཱོལ་ཨོ་རམ།(Mr.Jual Oram,State BJP President) དང་། ཚོགས་གཙོ་གཞོན་པ་དང་ཚོགས་པའི་མགྲིན་ཚབ་པ་ཨ་ཤོག་ས་ཧུ། (Mr.Ashok Sahu,Vice President & Spokesperson BJP) ཨོ་རི་ས་གཞུང་གི་སྤྱི་ཁྱབ་དྲུང་ཡིག་ཆེན་མོ་སྐུ་ཞབས་སྦི་ཀེ་པཊ་ན་ཡེཀ་(Mr.B.K. Patnaik, IAS. Chief Secretary,Govt. of Odhisha) དང་། ཨོ་རི་ས་གཞུང་གི་དྲུང་འཕར་སྐུ་ཞབས་ཇེ་ཀེ་མཧཱ་པ་ཏྲ་(Mr..J.K.Mahapatra,IAS.Additional Chief Secretary) ཨོ་རི་ས་ཤེས་ཡོན་ལྷན་ཁང་གི་དྲུང་ཡིག་གཙོ་བོ་སྐུ་ཞབས་ཇི་ཀེ་ཌཱལ།(Mr.G.K.Dhal,IAS.Principal Secretary,་Department of Higher Education) ཨོ་རི་སའི་བཟོ་ལས་དང་ཐོན་འབབ་ཁྲལ་བསྡུའི་དྲུང་ཆེ་སྒར་ཞ་བ་སྐུ་ཞབས་སུ་དར་ཤན་པལ་ཋ་ཀུར།(Mr.S.P.Thakur,IAS.Principal Secretary,Excise Dept.Govt.
of Odisha) ཨོ་རི་སའི་གསར་འགོད་པ་སྙན་གྲགས་ཅན་ནམ་ཏཐ་ཡེའི་རྩོམ་སྒྲིག་པ་སྦི་ཀེ་མིཤ་ར།(Mr.Braka K Mishra)ཨོ་རི་ས་བོད་དོན་རྒྱབ་སྐྱོར་ཚོགས་པའི་ཚོགས་གཙོ་དང་རྒྱ་གར་གཞུང་གི་སྙན་གྲགས་ཅན་གྱི་གཟེངས་རྟགས་ཐོབ་མཁན་ཌོག་ཊར་ཌི་པི་པཊ་ན་ཡེཀ་(Dr.D.P.Patnaik) རྒྱ་གར་གཞུང་གི་གཞུང་ཞབས་ཟུར་པ་དང་ལས་འགུལ་བ་སྐུ་ཞབས་ཌི་ཀེ་རོའི་(Mr.D. K.Roy,former bureaucrat,former chief commissioner
for Indian Revenue office,Govt. of India and now activist)དང། གཞུང་ཚབ་ཟུར་པ་དེང་སྤྱི་ཚོགས་ཞབས་ཞུའི་ལས་འགུལ་བ་ཨབ་ས་ར་བེ་རུའེ་(Mr.Absara Beuria,former ambassador to UAE and
Madagaskar,and now social activist)། ཨུཏ་ཀལ་གཙུག་ལག་སློབ་གྲྭ་ཆེན་མོའི་གཙོ་འཛིན་ཌོག་ཊར་ཨ་མི་ཡ་པཋ་ན་ཡེཀ་(Dr.Amiya Patnaik,Vice Chancellor of Utkal University of
Culture) མངའ་སྡེའི་ནང་པའི་ལྷན་ཚོགས་ཀྱི་ཚོགས་གཙོ་དང་ཨུཏ་ཀལ་གཙུག་ལག་སློབ་གྲྭ་ཆེན་མོའི་གཙོ་འཛིན་ཟུར་པ་ཌོག་ཊར་མོ་ཧན་ཏི།
(Dr.Mohanty,Former Vice Chancellor of Utkal University for Cultural and
Maha Bhodhi Society’s President)དང་ཚོགས་པ་དེའི་དྲུང་ཆེ་ཌོག་ཊར་བྷ་ཏྲ།(Dr.Batra) ཨོ་རི་ས་ནང་པའི་སྡེ་ཚན་གྱི་ཚོགས་གཙོ་སྐུ་ཞབས་གོ་རི་ཤངྐར་ཀུ་མར་(Mr.Gouri Shankar Kumar) བཅས་མཇལ་འཕྲད་ཞུས་འདུག །
སྲིད་སྐྱོང་མཆོག་གི་བཀའ་སློབ་ཕེབས་དོན་དུ་བོད་དོན་ཐོག་ག་དུས་ཡིན་ནའང་གདུང་སེམས་མཉམ་སྐྱེད་ཡོད་པ་དང།
བོད་ནང་དུ་དཀའ་ངལ་མུ་མཐུད་གནས་ཡོད་པ་དང་རྒྱ་དམར་གཞུང་ནས་དཀའ་ངལ་སེལ་རྒྱུར་བསམ་ཤེས་མ་བྱས་པ་ནི་བློ་ཕམ་གྱི་རང་བཞིན་ཞིག་ཡིན་གནས།
བོད་དོན་དཀའ་རྙོག་སེལ་བར་དབུ་མའི་ལམ་ནི་ཐབས་ལམ་གཅིག་ཉིད་ཡིན་པ། ཁྱེད་ཚོས་མི་དང་མི་གདོང་གཏུག་གིས་ལས་འགུལ་བརྩམས་པར་བསྔགས་བརྗོད་ཡོད་ཅེས་གསུངས།
དེ་བཞིན་གོང་གསལ་མཇལ་འཕྲད་ཞུས་པ་ཚང་མས་དེ་སྔ་ཡང་རྒྱབ་སྐྱོར་ཡོད་པ་དང་ད་དུང་དེ་ལྷག་རྒྱབ་སྐྱོར་གནང་རྒྱུ་ཡིན་པའི་ཞལ་བཞེས་གནང་འདུག་པ་དང་།
མཁས་དབང་དང་སྡེ་ཚན་འདྲ་མིན་གྱི་མི་སྣ་མཇལ་འཕྲད་ཞུས་པ་དེས་བོད་དོན་རྒྱབ་སྐྱོར་མུ་མཐུད་སྲ་བརྟན་གནས་ཐབས་དང་ཆབ་སྲིད་པ་ཚོར་གནོན་ཤུགས་སྤྲོད་ཐབས་བཅས་རེད་འདུག་བཅས་ཀྱི་གསར་གནས་སུ། རྒྱ་གར་ལྷོ་ཕྱོགས་ཀེ་ར་ལ་མངའ་སྡེ་ནས་བོད་དོན་ཞུ་འབོད་ཀྱི་ལས་འགུལ།
རྒྱ་གར་ལྷོ་ཕྱོགས་ཀེ་ར་ལ་མངའ་སྡེ་ནས་བོད་དོན་ཞུ་འབོད་ཀྱི་ལས་འགུལ།
ལྷོ་ཕྱོགས་ཁུལ་དུ་རྒྱ་གར་གཞུང་མང་གཉིས་ལ་བོད་དོན་ཞུ་གཏུག་ལས་འགུལ་ཚོགས་ཆུང་གི་ཚོགས་མི་སྤྱི་འཐུས་དྲུག་གིས།
ཕྱི་ལོ་༢༠༡༣ ཟླ་ ༡ ཚེས་ ༡༣ ནས་༡༥བར་ཀེ་ར་ལ་མངའ་སྡེར་བཞུགས་པའི་གནད་ཡོད་མི་སྣ་དང་། མངའ་སྡེའི་སྲིད་སྐྱོང་། སྤྱི་ཁྱབ་བློན་ཆེན། མངའ་སྡེའི་གྲོས་ཚོགས་ཀྱི་ཚོགས་གཙོ་དང་གྲོས་ཚོགས་འཐུས་མི། ཚོགས་སྡེ་ཁག་སོགས་དང་མཇལ་འཕྲད་གནང་ཡོད་པ་དང། ཚེས་ ༡༣ ཉིན་རྒྱ་གར་དབུས་གཞུང་གི་བདེ་འཇག་སློབ་སྟོན་པ་ (T P Srinavasan) མཆོག་དང་མཇལ་འཕྲད་ཞུས། དེའི་རྗེས་ཀེ་ར་ལ་གྲོས་ཚོགས་ཚོགས་གཙོ་རྗེའི་ཀར་ཐི་ཀི་ཡན་(G Karthikayan)མཆོག་དང་མཇལ་སྐབས། ཁོང་གིས་ཆེ་མཐོང་མཚོན་ཆེད་དུ་སྒོ་ཁར་བསུ་བར་འཕེབས་སྟེ་སྣེ་ལེན་རྒྱས་པར་གནང་བར་མ་ཟད་གསར་འགོད་པ་༢༨
ཆེད་འགུག་གནང་འདུག
ཁོང་གིས་ཀེ་ར་ལའི་གྲོས་ཚོགས་ཀྱི་ལོ་རྒྱུས་ཐོག་ཁོང་ཉིད་ཀྱིས་ཕྱག་བྲིས་"བྱམས་བརྩེ་དང་ལྷག་བསམ་བཟང་པོས་བོད་མི་ཚོ་ལ་གདུང་སེམས་མཉམ་བསྐྱེད་ཡོད་"བཅས་མཚན་རྟགས་དང་བཅས་གནང་བྱུང་།
རྒྱ་གར་ལྷོ་ཕྱོགས་ཀེ་ར་ལ་མངའ་སྡེ་ནས་བོད་དོན་ཞུ་འབོད་ཀྱི་ལས་འགུལ།
ཚེས་༡༤ ཉིན་སྔ་དྲོ་༩,༣༠ ཐོག་ཀེ་ར་ལ་རྒྱལ་བརྒྱུད་ཀྱི་གཙུན་མོ་མཆོག་དང་མཇལ་བ་དང་།
ཁོང་གིས་ང་ཚོ་ལ་ཞི་བདེ་དགོས་ཀྱི་རེད་ལ་བོད་ལ་ཡང་ཞི་བདེ་དགོས་ཀྱི་རེད། ངས་བོད་ལ་ཞི་བདེ་ཡོང་བའི་སྨོན་ལམ་འདེབས་ཀྱི་ཡིན་ལ་བོད་དོན་སྐོར་མང་པོ་ཤེས་ཀྱི་ཡོད་ཅེས་གསུངས་ནས་ནང་ཆོས་དང་འབྲེལ་དྲི་བ་མང་པོ་གནང་སོང་།
དེ་རྗེས་ཚོུད་༡༡ ཐོག་མངའ་སྡེ་གཞུང་འཛིན་ཚོགས་པ་ཀོང་རི་སིའི་དྲུང་ཆེ་མཆོག་གིས་སྣེ་ལེན་དང་འབྲེལ་ལས་ཁུངས་དུ་བཅར་བ་དང་། ཚོགས་གཙོའི་གཙོའི་རྒྱུན་ལས་བཅུ་གསུམ་དང་མཇལ་འཕྲིན་གྱི་ངོ་སྤྲོད་གྲུབ་པ་དང་། ཚོགས་གཙོ་མཆོག་ནས་ང་ཚོས་དུས་དང་རྣམ་པ་ཀུན་དུ་ཁྱེད་རང་ཚོར་རྒྱབ་སྐྱོར་བྱེད་ཀྱི་ཡོད་ལ། ༢༠༠༥ ལོར་བོད་དོན་རྒྱབ་སྐྱོར་ཀྱི་གྲོས་ཆོད་ཞིག་བཞག་ཡོད་ལ། བོད་དོན་ཐོག་རྒྱུན་དུ་བགྲོ་གླེང་བྱེད་ཀྱི་ཡོད་ཅེས་གསུང་བྱུང་། ཚེས་༡༥ ཉིན་སྔ་དྲོ་༨ སྐར་མ་༣༠ ཐོག་མངའ་སྡེའི་སྤྱི་ཁྱབ་བློན་ཆེན་མཆོག་ལ་བློན་ཆེན་ལས་ཁུངས་སུ་གཞུང་འབྲེལ་གྱི་མཇལ་འཕྲད་ཞུས་ཏེ་སྔར་བཞིན་བོད་དོན་ངོ་སྤྲོད་ཞུས། ཁོང་གིས། རྒྱབ་སྐྱོར་དང་བྱམས་བརྩེ་དུས་ནམ་ཡང་ཁྱེད་རང་ཚོ་ལ་ཡོད་ཅེས་དང་།
ཁྱེད་རང་ཚོའི་རྩ་དོན་དེ་རླབས་ཆེན་གྱི་རྩ་དོན་ཞིག་རེད་སོགས་རྒྱབ་སྐྱོར་གྱི་བཀའ་སློབ་གནང་།
ཚོུད་༡༡ ཐོག་ཀེ་ར་ལ་མངའ་སྡེ་ནང་ཡོད་པའི་དབུས་གཞུང་གི་མཐོ་སློབ་ཆབ་སྲིད་དང་མཚན་རིག་སྡེ་མཚན་གྱི་སློབ་མ་༦༠
ལ་བོད་ཀྱི་འདས་བའི་ལོ་རྒྱུས་དང་།
ད་ལྟའི་གནས་སྟངས། མ་འོང་པའི་མངོན་འདོད་སོགས་དང་འབྲེལ་ནས་ཆབ་སྲིད་སྐོར་གྱི་གཏམ་བཤད་སྤྱི་འཐུས་བློ་བཟང་ཡེ་ཤེས་ལགས་ཀྱིས་གནང་བ་དང་། འགན་འཛིན་ཟུར་བ་མཁས་དབང་གྷོ་པ་ཀུ་མར (gopakumar)མཆོག་གིས་གཙོས་དགེ་སློབ་ཚོའི་དྲི་བ་ཁག་ལན་འདེབས་ཞུས། ཕྱི་དྲོ་ཚོུད་༥དང་སྐར་མ་༤༠ ཐོག་ཡི་ཤུའི་ཆོས་དཔོན་སུ་ས་པཀ་ཀིམ(soosa pkim)མཆོག་དང་མཇལ་འཕྲད་ཞུས། ཁོང་གིས་བོད་དོན་ཐོག་རྒྱབ་སྐྱོར་དང་ཐུགས་སྨོན་གནང་བ་མ་ཟད། ཆེད་འགུག་གནང་བའི་གསར་འགོད་པ་༥
འདུག་པ་རྣམས་ལ་བོད་དོན་ངོ་སྤྲད་དང་།
ཁོང་གི་སྐུ་མགྲོན་ལ་རྒྱལ་ཁག་གཞན་ནས་འཕེབས་པའི་ཆོས་དཔོན་ཞིག་འདུག་པ་ཡང་ང་ཚོ་ལ་ངོ་སྤྲོད་གནང་། ཕྱི་དྲོ་ཞལ་ལག་ཀྱང་ཆོས་དཔོན་རང་གི་གཟིམས་ཤག་ནང་མགྲོན་འབོད་གནང་བྱུང་།
Subscribe to:
Posts (Atom)