ཨོ་སེ་ཀྲོ་ལི་ཡིའི་ཕྱི་སྲིད་བློན་ཆེན་བོབ་ཁྭར་ (Bob Carr) མཆོག་གིས་རེ་གཟའ་པ་སངས་ཉིན་ཧོང་ཀོང་ནས་ཨོ་སེ་ཀྲོ་ལི་ཡའི་ཚོང་དོན་ལྷན་ཁང་ལ་གསུང་བཤད་གནང་བའི་སྐབས་བོད་ནང་རང་ལུས་མེར་སྲེག་བར་མཚམས་མེད་པ་ཡོང་བཞིན་པ་དེ་མཚམས་འཇོག་བྱ་རྒྱུའི་ལྡེའུ་མིག་ནི་བོད་ལ་རང་སྐྱོང་ལྗོངས་ཀྱི་གནས་བབ་ཀྱི་གྲོས་མོལ་བྱ་རྒྱུ་དེ་ཁོ་ན་ཡིན་ལུགས་གསུངས་གནང་འདུག ཕྱི་སྲིད་བློན་ཆེན་གྱིས་བོད་རྒྱ་ནག་གི་ཆ་ཤས་ཡིན་ཡང་བོད་མི་ཚོས་རང་ལུས་མེར་སྲེག་མཚམས་འཇོག་ཆེད་རང་སྐྱོང་ལྗོངས་ཀྱི་གནས་བབ་ཐད་རྒྱ་ནག་གཞུང་དང་བོད་མིའི་སྤྱི་ཚོགས་དབར་གྲོས་མོལ་བསྐྱར་གསོའི་སྐབས་ཤིག་ཡིན་ལུགས་ནན་བརྗོད་གནང་འདུག དེ་འདྲའི་གྲོས་མོལ་ནང་༧གོང་ས་མཆོག་དངོས་སུ་མཉམ་ཞུགས་གནང་མིན་རྒྱ་ནག་གཞུང་ལ་རག་ལུས་ཀྱང་། བར་ལམ་ནས་རྒྱ་ནག་གཞུང་གིས་གྲོས་མོལ་བསྐྱར་གསོའི་དགེ་མཚན་ཡོད་པའི་འདུན་པ་བསྟན་ཡོད་ལུགས་འགྲེལ་བརྗོད་དང་སྦྲགས་རྒྱ་ནག་གཞུང་གིས་ཁོང་དང་། རྒྱ་ནག་ནང་ཨོ་སེ་ཀྲོ་ལི་ཡའི་གཞུང་ཚབ་གཉིས་བོད་ནང་ཨོ་སེ་ཀྲོ་ལི་ཡའི་རོགས་སྐྱོར་གྱི་ལས་འཆར་ཁག་ལ་ཞིབ་འཇུག་ཆེད་གཟིགས་སྐོར་དུ་བསྐྱོད་རྒྱུར་ཆོག་མཆན་ཐོབ་པའི་རེ་བ་ཡོད་ཅེས་གསུངས་གནང་འདུག